Өлшеу дәлдігі – қауіпсіздік кепілі

Өлшеу техникасы құралдарын (ӨТҚ) калибрлеу және салыстырып тексеру үшін QHSE-Akbarys компаниясы өзінің зертханасын ұйымдастырды

Бұл жерде газ талдау жабдықтарын бастапқы және мерзімді тексеру және құрылғылардың барлық түрлерін калибрлеу жүргізіледі. Олардың ішінде ауада немесе газ орталарында бір немесе бірнеше зат концентрациясының мөлшерін бақылаудың стационарлық, тасылмалы және портативті газ-талдауға арналған өлшеу құралдары (газ талдағыштары, газ сигнализаторлары, детекторлар және хабаршылар) бар.

Заманауи жабдықтар

Зертхана отандық және әлемдік жетекші өндірушілердің заманауи жабдықтарымен жарақтандырылған. Тексеру процесінде сертификатталған тексеруге арналған газ қоспалары қолданылады.

Зертханада аккредиттеу саласына сәйкес тексеру жүргізуге мүмкіндік беретін бастапқы және өлшеу керек-жарақтарынан тұратын тексеру құралдары бар. Бұл ретте олардың техникалық (пайдалану) құжаттамасында белгіленген жұмыс жағдайлары ескеріледі және тексеру құралдарына қызмет көрсетуді жүзеге асыратын персонал айқындалады.